عاشق غزة عضو جديد
عدد الرسائل : 17 العمر : 31 نقاط : 54830 السٌّمعَة : 100 تاريخ التسجيل : 04/10/2009
| موضوع: المدارس والانفلونزا وازمة المعقمات 5/10/2009, 12:32 pm | |
| السلام عليكم ورحمة الله وبركاته
كما تعلمون نحن ...ما اجلنا الدراسه بعد عيد الفطر على طول دوام ...طبعا ردود افعالنا مثلكم بالضبط ..
واشتكوا الاهالي في الاذاعه وكل وسائل الاعلام ...لاحياة لمن تنادي
المهم توكلنا على الله ....قلنا اول يوم بنشوف الفصول اذا احد مريض لاسمح الله
بعد معاااينة الفصول ,,,شفنا الامن مستتب
سرت مدرسة بنتي الصغيره على امل اشوف الغياب كثير وآخذ بنتي وارجع ...( يا دار ما دخلك شر)
انصدمت ماشاء الله بالعدد كامل ...المهم ولدي احمد يعاني من الربو ..,,ماراح اول اسبوع ....بس في الاسبوع
الثاني ...سمعنا ان في مدارس اغلقت بسبب ظهور المرض ولين الحين نحن خايفين على عيالنا بس شو نسوي
الحين المدارس عندنا زادوا ساعات الدوام علشان يعوضون اللي فات عيالنا يوصلون على اذان العصر
وسمعنا ان بعض الحالات ظهرت في المدارس وفي تكتم اعلامي عندهم الله يستر وكل مدرسه تبغي تخلص
مناهجها ...على حساب عيالنا وعلى فكره مافي معقمات ولاهم يحزنون
والله يسلمكم ...من فترة نحن والناس ماعندنا سالفه الا انفلونزا الخنازير الله يحفظكم ويعزكم
ويوم اسير كارفور اشوف المعقم السائل واتشاور آخذه والا ما آخذه
خذت واحد ...وما هقيت ...ان هاي آخر نظره لي على المعقمات ...وآخر عهدي به وهو مصفوف بترتيب على الرفوف ...وماتوقعت ان الحبيب بيتغلى علينا ومابنشوفه مره ثانيه !!!!!!!!!!
وبدأت مرحلة البحث عن منتجات ديتول ...خاصه ان المدارس طالبين معقمات للطلاب ...قلنا بناخذ
لهم المناديل المعقمه بحثت في الجمعيه ,,,ماحصلت اصبحت نادره والناس خلصوها ,,,سألت الموظفين هناك قالوا عليها طلب كثير والناس ياخذون بالكميات
والحين انا اتحسر على الايام اللي كنت اشوف المطهر السائل وما آخذه
المدارس يطالبون الطلبه بالمناديل والمعقمات ...وهي غير موجوده في السوق اخاف يزيدون اسعارها ويبيعونها في السوق السوداء
المهم انا وصيت عيالي ...اي هاتشووو في الصف اطلعوا ...تذكرت يوم كنت في كارفور وريال اجنبي
في الممر يعطس اول هاتشو وو كل اللي في الممرات انتبهوا ,,,الهاتشووو الثانيه
كلهم على اهبة الاستعداد الهاتشووو الثالثه اشوف الناس تراكضوا الهاتشووو الرابعه كانت القاضيه
اشوف اغبرتهم عربات تلف يمين وعربات تلف شمال وناس يتصادمون بالعربات زين اني بعيد ...
المهم نعود لسالفة المعقمات ...حبيت اوصيكم هاالله ها الله في المعقمات حافظوا عليهن واذا حد بيشتري كميه وبيخزنها يكون احسن المعقم الابيض ينفع في اليوم الاسود
افكر اخزن كميه اذا الله وفقني وحصلت ....مايندرى يمكن ترتفع الاسعار :
بعض الوصايا :
التوكل على الله وقراءت الاذكار ....الاستوداع ( اي قول استودعكم الله الذي لاتضيع ودائعه)
تشترين معقمات وانصحكم من الحين قبل انفاذ الكميه وتوصين عيالك ان يعقموا ايدينهم باستمرار
القيام بزيارات مفاجئه ومباغته للمدرسه لمعرفت الاحوال هناك انا ناويه بس ماتمكنت هالاسبوع
عدم الخوف من الانفلونزا الموسميه لانها منتشره الآن ولقد اصابتنا حتى حمودي احتاج لبخرات الربو
والاطفال هناك بعضهم مرضى ,,,سمعت ان الخوف اكثر عندما تكون هناك حراره قل لن يصيبنا إلا ما كتب الله لنا ,,,والله يحفظنا ويحفظكم من الاوبئة والامراض ومن كل شر | |
|
ملكة الاحزان عضو جديد
عدد الرسائل : 8 العمر : 30 نقاط : 52980 السٌّمعَة : 100 تاريخ التسجيل : 13/12/2009
| موضوع: رد: المدارس والانفلونزا وازمة المعقمات 13/12/2009, 6:40 am | |
| | |
|
أبو يزن المشرف العام
عدد الرسائل : 282 العمر : 29 الموقع : في قلوب صافية نقاط : 72920 السٌّمعَة : 110 تاريخ التسجيل : 25/03/2010
| موضوع: رد: المدارس والانفلونزا وازمة المعقمات 21/4/2010, 1:01 pm | |
| مشكور بارك الله فيك
الله يعطيك العافية
اخوكم ابويزن | |
|